“Ermənistanın baş naziri Nikol Paşinyanın Azərbaycanın ərazi bütövlüyünün tanınması ilə bağlı son vaxtlar səsləndirdiyi fikirlər Ermənistan daxilində və Qarabağ iqtisadi rayonunun Rusiya sülhməramlılarının müvəqqəti məsuliyyəti altında olan hissəsində yaşayan ermənilər arasında ona qarşı yeni cəbhə açılmasına səbəb olub.” – bu fikirləri Ulusal.az-a açqlamasaında politoloq Arzuman Muradlı bildirib.
Politoloq bildirib ki, Ermənistan Azərbaycanın ərazi bütövlüyünü ilk dəfə 2022-ci il oktyabrın 6-da Praqada və oktyabrın 31-də Soçidə keçirilmiş görüşlərdə 1991-ci ildə imzalanmış Alma-Ata Bəyannaməsi əsasında tanıdığını bəyan edib.
“Bu bəyannamə ilə yeni müstəqillik qazanmış ölkələr SSRİ dövründə mövcud olmuş müttəfiq respublikaların inzibati sərhədlərini tanıyırlar. Beləliklə, Praqa və Soçi sənədləri ilə Hayastan Azərbaycanın Qarabağ üzərində suverenliyi ilə qəbullanıb. Bu il aprelin 18-də parlamentdə çıxış edən N.Paşinyan ölkəsinin Azərbaycanın ərazi bütövlüyünü tam tanıdığını bir daha bildirib: “Ermənistan 29,8 min kvadratkilometr sahədə tanınır və heç bir başqa ölkəyə ərazi iddiası yoxdur. Ermənistan və Azərbaycan arasında sülh sazişi o zaman reallaşacaq ki, iki ölkə birmənalı şəkildə, qeyri-müəyyənliklər və tələblər olmadan bir-birinin ərazi bütövlüyünü tanıyacaq və bir-birinə heç vaxt ərazi iddiası irəli sürməyəcək. Mən bir daha təsdiq edirəm ki, biz Azərbaycanın ərazi bütövlüyünü tam şəkildə tanıyırıq və gözləyirik ki, Azərbaycan da Ermənistan SSR-in bütün ərazisini Ermənistan Respublikası kimi tanımaqla eyni şeyi edəcək. Amma indi rəsmi İrəvanın qorxduğu bir məsələ var. Bu Azərbaycan tərəfinin yen tələb irəli sürməsidir. Erməni cəmiyyəti qorxur ki, rəsmi Bakı sərhədlərin 1918-ci ilin xəritələri ilə müzakirəyə çıxarıla bilər. Bu zman məlum olacaq ki, indiki Ermənistanın faktiki bütün əraziləri Azərbaycan torpaqlarıdır. Bu amil erməniləri qorxuya salıb. Tarix və arxiv sənədləri itmir. Bütün bunlar onu deməyə əsas verir ki, Azərbaycan öz tarixi torpaqlarına qovuşmalıdır” -deyə Arzuman Muradlı bildirib.