İslam İnqilabı Keşikçiləri Korpusunun Aerokosmik Qüvvələrinin (SEPAH, İran Silahlı Qüvvələrinin elit bölmələri) komandanlığının yüksək rütbəli nümayəndəsi Suriyada bomba partlayışı nəticəsində həlak olub.
Ulusal.az xəbər verir ki, bu barədə çərşənbə günü İranın Mehr xəbər agentliyi SEPAH-ın ictimaiyyətlə əlaqələr şöbəsinə istinadən məlumat yayıb.
Agentlik yazır ki, polkovnik Davud Cəfəri ötən gün səhər saatlarında Dəməşq yaxınlığındakı yolun kənarına israilli agentlərin yerləşdirdiyi bombadan ölüb.