Böyük Britaniyanın Berlindəki səfirliyinin keçmiş təhlükəsizlik zabiti 58 yaşlı David Ballantyne Smith-i 14 ilə qədər həbs gözləyir. Ulusal.az “The Financial Times” istinadən xəbər verir ki, həmin şəxs Rusiyaya casusluq ittihamlarını qəbul edib.
Britaniya vətəndaşı səkkiz maddə üzrə təqsirli olduğunu etiraf edib. Cinayətlər 2020-ci ilin oktyabrından 2021-ci ilin avqustuna qədər törədilib.
Smit ötən il avqustun 10-da Almaniya polisi tərəfindən həbs edilib və apreldə Böyük Britaniyaya ekstradisiya edilmişdi.
Digər iddialar arasında Smitin Rusiyanın Berlindəki səfirliyinin hərbi attaşesi, general-mayor Sergey Çuxurovla əlaqə saxlamağa cəhd etdiyi, həmçinin bir sıra dövlət məmurları, ünvan və telefon nömrələri barədə məlumatların toplanması və ötürülməsi ilə məşğul olduğu bildirilir.
