Getdikcə daha çox Rusiya vilayətləri orduya döyüşçü cəlb etmək üçün şəbəkə marketinqi sxemini tətbiq edir.
Ulusal.az xəbər verir ki, bu dəfə Voronej vilayətinin hakimiyyət orqanları tərəfindən “dostunuzu döyüşə aparın və pul qazanın” kampaniyası başladılıb. Bu barədə “Verstka” nəşri yazıb.
Müdafiə Nazirliyi ilə müqavilə bağlayan hər bir əsgər üçün 15 min rubl ödəməyə söz verirlər. “Siz rayon hökumətinə gəlib izahat verməlisiniz ki, bu adam sizin vasitənizlə imza atıb. Onda siz 15 min rubl alacaqsınız”, – nəşrin jurnalisti ilə söhbətində Voronejdə müqavilə xidməti üzrə işə qəbul mərkəzinin əməkdaşı bildirib.
Bu məlumatı yerli sahibkarlar da təsdiqləyiblər. Voronej şəhərinin mənzil-kommunal təsərrüfatı sektorunun rəhbəri bildirib ki, rayon administrasiyalarından biri ona eyni məbləği deyib. “Niyə bu qədər azdır?” sualıma məmurlar tezliklə yüksəliş gözlədiklərini bildirdilər”, – deyə sahibkar əlavə edib.
Məbləğ, Tatarıstan və Yaroslavl vilayəti ilə müqayisədə demək olar ki, 7 dəfə azdır, hansı ki, əvvəllər vətəndaşları öz qohumlarını və dostlarını orduya qoşulmağa təşviq edən analoji müraciət proqramını işə salıb. Hər iki bölgədə Müdafiə Nazirliyi ilə müqavilə bağlamaq üçün hərbi qeydiyyat və çağırış idarəsinə könüllü gətirilmə 100 min rubl qiymətləndirilir.
Ölkə rəhbərliyi rusların kütləvi şəkildə Ukrayna ilə müharibəyə getmək istədiyi barədə mütəmadi olaraq məlumat verir. İyulun 11-də Müdafiə Nazirliyi bildirib ki, ilin əvvəlindən 190 min vətəndaş döyüş bölgəsinə göndərilmək üçün müqavilə imzalayıb və işə qəbulun orta göstəricisi gündə təxminən min nəfər təşkil edir.
Bir neçə bölgədəki “Verstka” mənbələri bunun belə olmadığını və könüllülərin axınının azaldığını iddia edir.
Bundan əlavə, Rusiya bölgələri müharibəyə göndərilmək üçün ödənişləri 15 dəfə artırdı. Onlardan ən azı üçündə – Qaraçay-Çərkəz, Adıgey və Krasnodar diyarında məbləğ 1,25 milyon rublu ötüb. Bu yaxınlarda Moskva da müharibəyə cəlb olunanlar üçün səxavətli bonuslar proqramına qoşulub. İyulun 23-də paytaxt meri Sergey Sobyanin Ukraynaya getmək üçün Müdafiə Nazirliyi ilə müqavilə bağlayanlara 1,9 milyon rubl ödəməyi əmr edib.
