Rusiya Silahlı Qüvvələrinin Kiyevə endirdiyi aviazərbələr nəticəsində ölən və yaralananlar var. Ulusal.az xəbər verir ki, bu barədə Ukrayna daxili işlər nazirinin müşaviri Anton Geraşenko özünün “Twitter” səhifəsində yazıb.
Paytaxta raket hücumu nəticəsində 3 nəfərin öldüyü, 2 nəfərin yaralandığı qeyd edilir.
Xatırladaq ki, bu gün ərzində Rusiya Hərbi Hava Qüvvələri Ukraynanın bir sıra vilayətlərinin yaşayış məntəqələrinə intensiv hücumlar həyata keçirib.
Kiyevin meri Vitali Kliçko hava zərbələrinin şəhərin həyati vacib infrastrukturlarına və mülki obyektlərinə endirilməsi barədə ətraflı məlumat verib.
Lvov şəhərinin işıqsız qaldığı bildirilir.
