Əsas hədəf 2028-ci ildə Los-Ancelesdə keçiriləcək olimipiada olacaq.
Bunu Ulusal.az-a açıqlamasında Azərbaycan qılıncoynadanı Anna Başta deyib.
Paris-2024-də 1/8 finalda ukraynalı Olqa Xarlana məğlub olan sablyaçı uğursuzluğunu belə izah edib:
“Olimpiya çempionu ola bilmədim. Amma bunun obyektiv səbəbləri var. Zədədən yeni qayıtmışam. Hələ də tam formada deyiləm. Ona görə də çətinlik çəkdim. Düzdür, ilk rəqibimi məğlub etdim. Amma ikinci görüşdə əlimdən gələni etsəm də mübarizəni dayandırdım. Tokio olimpiadasında debütant olduğum üçün həyəcan çox idi. Ruhdan düşmürəm. Zədəmin sağalması üçün çalışacağam. Daha sonra məşqlərə başlayacağam. Çalışacağam ki, orada uğurlu çıxış edim”.
Qeyd edək ki, Paris olimpiadasına 1/16 final mərhələsində çinli Yanq Henqyunu məğlub edən Anna Başta, 1/8 finalda ukraynalı Olqa Xarlana uduzub. Paris-2024 avqustun 11-də başa çatacaq.
