Avropa Liqasının əsas mərhələsinin 7-ci turunun sabah Bakıda keçiriləcək Azərbaycan “Qarabağ”ı ilə Rumıniya FCSB arasında keçiriləcək oyunun bilet satışı davam edir.
“Qarabağ” 6 oyunda cəmi 3 xal yığa bilib, qollar nisbəti isə -10dur.
Rumıniyanın FCSB klubu 6 oyunda 11 xal qazanıb, qollar nisbəti +2dir.
Buna görə də, azarkeşlərin bu görüşə marağı kifayət qədər aşağıdır. Bununla bağlı Ağdam klubu hələ də LE pley-off mərhələsinə yüksəlmək şansı olduğu üçün azarkeşləri komandaya dəstək olmağa çağırır.
Xatırladaq ki, biletlərin qiyməti sektordan asılı olaraq 5, 20, 30, 40, 75, 150 və 300 manatdır və onları onlayn olaraq iTicket.az saytından, Qarabağ fan-şopundan və Tofiq Bəhramov adına stadionunun kassalardan əldə etmək olar.
Tofiq Bəhramov adına stadionda keçiriləcək “Qarabağ” – FCSB oyunu 23 yanvar saat 21:45-də başlayacaq.
