Dünyaca məşhur futbolçular Ronaldo və Messinin şahmat paylaşımı böyük səs-küyə səbəb olmuşdu. Ulusal.az xəbər verir ki, iki ulduzun paylaşdığı foto 60 milyondan çox bəyənmə toplayıb. Hər kəs iki sevimli futbolçunun yenidən qovuşduğunu düşünərkən, foto ilə bağlı həqiqətdən məyus olublar.
Messi və Ronaldonun şahmat masasında birlikdə verdikləri pozanın əslində saxta olduğu üzə çıxıb.
Məlum olub ki, dünyaca məşhur brendlə anlaşan ulduz futbolçular əslində ayrı-ayrılıqda fotosessiyaya giriblər. Ronaldo və Messi bazar günü günorta saatlarında sosial media hesablarında pərdəarxası videolar paylaşıblar. Paylaşılan videolarda Ronaldo ilə Messinin bir araya gəlmədiyi, hətta çəkilişlərin müxtəlif yerlərdə edildiyi görünür.
Messinin qarşısında poza verdiyi divar kağızı naxışlı olsa da, Ronaldonun düz divarın qarşısında obyektivlə üzləşdiyi aydın görünür. Beləliklə, Ronaldo və Messi əslində şahmat taxtasında tək oturub və pozalar veriblər.
