İsrail ordusunun Livanın cənubuna endirdiyi hava zərbələri nəticəsində üç uşaq həyatını itirib.
Livanın rəsmi NNA xəbər agentliyinin yaydığı məlumata görə, İsrail ordusu Livanın cənubundakı Um əl-Tut kəndinə hava zərbələri endirib.
Hücum nəticəsində 3 suriyalı uşağın öldüyü qeyd olunub.
İsrail ordusunun oktyabrın 8-dən bəri Livanın cənubuna təşkil etdiyi hücumlar zamanı kənd təsərrüfatı sahələrində və meyvə bağlarında işləyən suriyalı ailələr də hədəf alınıb.
