“Real Madrid” ispan mütəxəssis Xabi Alonsonun mümkün təyinatına görə “Bayer Leverkuzen”ə təzminat ödəmək niyyətindədir.
Ulusal.az xarici mediaya istinadla bildirir ki, söhbət 8 milyon avro məbləğindən gedir. Bu, “Real”ın “əczaçılar”a ödəməli olacağı yekun məbləğdir.
Daha əvvəl xəbər verilmişdi ki, italiyalı mütəxəssis Karlo Ançelotti 2024/2025 mövsümünün sonunda Madrid təmsilçisinin baş məşqçi postunu tərk edə bilər. Xabi Alonsonun Bayer ilə hazırkı müqaviləsi, Ançelottinin Los Blancos ilə müqaviləsi kimi, 2025/2026 mövsümünün sonuna qədərdir. Qeyd olunur ki, Alonso da gələcəkdə kral klubuna başçılıq edəcəyini istisna etməyib.
