Rusiyada Kreml təbliğatçıları artıq bütün əndazələri aşır və qonşu dövlətləri hədələmək dozasını daha da artırırlar.
Ulusal.az xəbər verir ki, Volodimir Solovyov və Marqarita Simonyanın verilişlərində tez-tez görünən və ən simasız “qonaqlar”dan olan Rusiya Dövlət Dumasının general deputatı Andrey Qurulyov Qazaxıstanı açıq şəkildə təhdid edib.
O, həmkarlarına göndərdiyi söyüşlü audiomüraciətdə “növbəti Qazaxıstan olacaq” deyir. Səs yazısında Qurulyov iddia edir ki, Ukraynadan sonra Rusiya Qazaxıstana hücum edə bilər və artıq bununla bağlı qərar verilib.
