Sosial şəbəkələrdə yayılan videoya görə, Moskvaya səfər edən İranın xarici işlər naziri Hüseyn Əmir-Abdullahiyan rusiyalı həmkarı Sergey Lavrovun Xarici İşlər Nazirliyinin binası qarşısında onu qarşılaması üçün öz avtomobilində gözləyib, lakin Lavrov onu orada qarşılamayıb.
Ulusal.az xəbər verir ki, videoda Abdullahiyan Rusiya Xarici İşlər Nazirliyinin binasına daxil olarkən Lavrov ona deyir ki, “deyəsən, avtomobildən düşmək istəmirdin?”
İranın xarici işlər naziri isə cavabında deyir ki, gözləyirdim. Lavrov Abdullahiyandan soruşur ki, nəyi gözləyirdin? Amma o, cavab vermir.
