Rusiyanın şimal paytaxtı Sankt-Peterburqun mərkəzində Narışkin knyazlarının tarixi malikanəsinin təmiri zamanı işçilər əvvəllər məlum olmayan gizli otaq aşkar ediblər. Otaqda bir xəzinə var idi, xüsusən də köhnə gümüş qablar. Ulusal.az xəbər verir ki, tapıntı arxeoloqlara təhvil verilib.
Tapıntıların dəyəri hələ açıqlanmayıb, lakin onların taleyinin Rusiya Federasiyasının Mədəniyyət Nazirliyi tərəfindən həll ediləcəyi qeyd edilir. qeyd edək ki, 1750-ci ildən həmin malikanənin yerində iki ev var ki, onlardan biri Aleksandr Puşkinin ulu babası İbrahim Hannibala məxsus olub. Daha sonra iki ev 19-cu əsrin otuzuncu illərində birləşdirilib və 1875-ci ildə knyaz Vasili Narışkin tərəfindən alınıb və memar Gedikin layihəsinə əsasən təmir edilib.
