Avqustun 23-də səhər tezdən pilotsuz təyyarələr Moskva vilayəti üzərində hava hücumundan müdafiə sistemlərini vurub.
Bu barədə Moskva meri Sergey Sobyanin özünün “Telegram” kanalında bildirib. Məlumatı Rusiya Müdafiə Nazirliyi təsdiqləyib.
Şəhər rəhbərinin sözlərinə görə, onlardan biri Moskva vilayətinin Mojaysk rayonunda vurulub. Sobyanin daha bir pilotsuz uçan aparatının Ximki rayonunda vurulduğunu bildirib.
“İlkin məlumata görə, pilotsuz təyyarənin hücumu nəticəsində ölən olmayıb, təcili yardım xidmətləri hadisə yerinə yola düşüb”, – Moskva meri bildirib.
Rusiya Müdafiə Nazirliyi avqustun 23-də gecə saatlarında pilotsuz təyyarələrin paytaxta hücum cəhdinin hava hücumundan müdafiə vasitələri ilə dəf edildiyini bildirib.
Üçüncü pilotsuz uçan aparat tikilməkdə olan “Moskva Siti” kompleksinin binasına çırpılıb. Müdafiə Nazirliyi qurbanların olmadığını bildirib.
