“Rusiya KTMT-yə üzv dövlətlərə hərbi təsirini tədricən itirəcək, çünki orada yerləşən qüvvələrini Ukraynadakı müharibəyə göndərir”.
Ulusal.az xəbər verir ki, bu barədə Amerikanın Müharibə Araşdırmaları İnstitutu (ISW) məlumat yayıb.
Məlumatda Rusiyanın Qarabağda yerləşdirdiyi sülhməramlı qüvvələrin ayrı-ayrı hissələrinin 2022-ci ilin martında Ukraynaya göndərildiyi xatırladılır. Həmin ilin iyununda isə 1800 döyüşçüdən ibarət olan canlı qüvvənin 800-ə yaxınının öldürüldüyü, 400-ə yaxınının isə yaralandığı qeyd edilib.
Araşdırmada bildirilir ki, Moskva Qırğızıstan, Abxaziya, Cənubi Osetiya və Tacikistandakı qüvvələrindən Ukraynaya qarşı müharibədə istifadə etdiyi üçün KTMT ölkələrində və Gürcüstanda hərbi təsirini itirəcək.
