Avrokubokların pley-off mərhələsi başa çatıb.
Bu matçlardan sonra UEFA reytinqi açıqlanıb.
Azərbaycan çempionu “Qarabağ” ölkəmizin reytinqinə daha 0,125 xal qazandırıb. Buna “Qarabağ”ın “Olimpiya” ilə 1:1 hesablı heç-heçəsi səbəb olub. Bununla da ölkəmiz xal hesabını 16,875-ə çatdırıb. Azərbaycan bu göstərici ilə Avropada 29-cudur. 28-ci olan Slovakiya ilə fərq 0,500-ə qədər artıb.
Cari mövsüm toplanan xalların sayı 2,625-ə çatıb. “Qarabağ” 1,500, “Sabah” 0,750, “Neftçi” 0,375 xallıq qazanc gətirib.
Digər ölkələrin mövqelərində bəzi dəyişikliklər olub. Türkiyə 1 pillə irəliləyib. Super Liqa təmsilçiləri artıq 9-cu sırada qərarlaşıb.
Qeyd edək ki, UEFA reytinqinə 89.178 xalla İngiltərə başçılıq edir. 75.989 xalı olan İspaniya ikincidir. İlk üçlüyü İtaliya qapayır – 71.712 xal.