Dağıstanda polis bloqqer, pop-MMA döyüşçüsü Murad Legendi (əsl adı İsrapil Ramazanov) saxlayıb.
Bu barədə “Baza” “Telegram” kanalı hüquq-mühafizə orqanlarının məlumatlarına istinadla məlumat yayıb.
Nəşr qeyd edib ki, həmin şəxsə qarşı xırda xuliqanlıq haqqında protokol tərtib edilib.
Mənbələrin məlumatına görə, bloqqer bir neçə nəfərlə münaqişəyə görə saxlanılıb.
Hadisə şahidlərinin sözlərinə görə, o, əvvəlcə parkda yüksək səslə söyüş söyüb, daha sonra mühafizəçilərlə dava etmək qərarına gəlib, bundan sonra polis şöbəsinə aparılıb.
