“Dinamo”nun baş məşqçisi Sergey Yakiroviç komandanın və millimizin hücumçusu Mahir Emreli haqda qərar qəbul edib.
Ulusal.az-ın əldə etdiyi məlumata görə, futbolçu icarəyə veriləcək. Buna səbəb onun ümidləri doğrultmamasıdı. Daha dəqiq desək, Mahir komandanın başqa hücumçularıyla ayaqlaşa bilmir.
Xarici mətbuatda yayılan iddialara inansaq, Rusiya, Türkiyə, Belçika, Səudiyyə Ərəbistanının yüksək liqa, İtaliyanın isə aşağı liqa klubu oyunçunun xidmətində maraqlıdı. Ümumiyyətlə, Emreli də karyerasına Zaqreb təmsilçisində davam etmək istəmir. O, Yakiroviçin çox şans verməməsi üzündən formasından uzaq düşdüyünə görə şikayətçidi.
