Macarıstan Ukraynanın əks-hücuma keçməsini istəmir.
Publika.az “MK.ru”ya istinadən xəbər verir ki, Macarıstanın Baş naziri Viktor Orban Kossuth radiosunun efirində Ukrayna Silahlı Qüvvələrinin əks-hücumunun qarşısını almağa çağırıb. Əvəzində o, tərəfləri sülhə səsləyib.
“Bu, qan çanağıdır. Ukraynalılar əks-hücuma başlamazdan əvvəl atəşkəsə nail olmaq və sülh danışıqlarına başlamaq üçün əlimizdən gələni etməliyik”, – deyə Macarıstan hökumətinin başçısı bildirib.
O xatırladıb ki, hücum əməliyyatları zamanı hücum edən tərəfin itkiləri müdafiə olunan tərəfin itkilərindən üç dəfə çox olacaq.
Həmçinin baş nazir vurğulayıb ki, indiki Macarıstan hökuməti hakimiyyətdə olduğu müddətdə Budapeşt Rusiya ilə müharibəyə icazə verməyəcək.
