HƏMAS Qəzza Zolağını tərk etməyə icazə veriləcək əcnəbilərin, ikili vətəndaşlığı olan fələstinlilərin, həmçinin Beynəlxalq Qızıl Xaç Komitəsinin (BQXK) və qeyri-hökumət təşkilatlarının (QHT) əməkdaşlarının siyahısını dərc edib.
Ulusal.az xəbər verir ki, bu barədə TASS məlumat yayıb .
Fələstin hərəkatı yaydığı bəyanatda bildirib ki, Yaponiya, Çexiya , Finlandiya, Avstriya, Avstraliya, Bolqarıstan, İndoneziya və İordaniya vətəndaşlarına anklavı tərk etmək hüququ verilib.
Bundan əvvəl Fələstin HƏMAS hərəkatının hərbi qanadı sayılan İzzəddin əl-Qəssam briqadaları girov götürülən əcnəbiləri tezliklə azad edəcəklərini vəd etmişdilər.
Oktyabrın 29-da İsrail Müdafiə Qüvvələrinin (IDF) sözçüsü briqada generalı Daniel Həqari bildirib ki, HƏMAS girovlarının sayı 230 nəfərə çatıb. O, aydınlaşdırıb ki, onların sayı daim dəyişir.
