“Yevgeni Priqojin açıq şəkildə Ali Baş Komandanın (Vladimir Putin – red.) reaksiyasını gözləyir. Bu arada da ekspertlər artıq böhrandan mümkün çıxış yolları haqqında düşünürlər. Kiyevin gözləntilərinin əksinə olaraq, vəziyyət dönməz xarakter almır və yəqin ki, hamı ondan çıxış yolu axtarır”.
Bunu Rusiyalı hərbi ekspert Yuri Podolyak deyib.
“Heç kimə məsləhət verə bilmərəm, sadəcə şəxsi fikrimi bildirəcəm. İndi ən ağlabatan çıxış yolu Rusiya Federasiyası Müdafiə Nazirinin (Sergey Şoyqu) və Rusiya Federasiyası Silahlı Qüvvələrinin Baş Qərargah rəisinin (Gerasimov) könüllü istefası olardı. Lakin Putinin qərarı asan olmayacaq”, – eskpert bildirib.
