Çin ABŞ ilə münasibətləri yaxşılaşdırmaq niyyəti barədə aydın qərar verməlidir. Bu barədə ABŞ dövlət katibi Entoni Blinken “Böyük yeddilik” (G7) ölkələrinin xarici işlər nazirlərinin görüşünün yekunları üzrə keçirilən mətbuat konfransında deyib.
Dövlət katibi bildirib ki, Vaşinqton Pekinlə münasibətləri daha da yaxşılaşdırmağa hazırdır: “Bu barədə fikrini Vaşinqton 2022-ci ilin noyabrında ABŞ Prezidenti ilə Çin rəhbəri arasında keçirilən görüşdən sonra açıqlayıb. Çin də öz niyyətlərini bəyan etməlidir”.