Minskdən 12 kilometr aralıda yerləşən Maçulişçi hərbi hava limanında baş verən partlayışlar nəticəsində Rusiya Aerokosmik Qüvvələrinin A-50U desant təyyarəsi ciddi zədələnib.
Ulusal.az xəbər verir ki, partlayışa görə məsuliyyəti Belarus partizanları öz üzərinə götürüb.
BYPOL QHT-nin rəhbəri Aleksandr Azarov bildirib ki, təhlükəsizlik qüvvələrinin həbs etməyə çalışdığı diversantlar artıq Belarusu tərk ediblər.
“Əməliyyat iştirakçıları belaruslardır, “Pobeda” planının iştirakçılarıdır, onlar indi ölkə sərhədlərini tərk ediblər”, – Azarov bildirib.
Onun sözlərinə görə, bu əməliyyat bir neçə ay ərzində hazırlanıb.
Maraqlıdır ki, Rusiya Aerokosmik Qüvvələrində cəmi doqquz belə təyyarə var. Onun dəyəri 330 milyon dollardır.
