Amerika Birləşmiş Ştatlarının Pensilvaniya ştatında bazar günü bir evdə baş verən partlayışda həyatını itirənlərin sayı 6 nəfərə yüksəlib.
Ulusal.az xəbər verir ki, Plum bölgəsində baş verən partlayışın səbəbini hələ də araşdıran səlahiyyətlilər 56 yaşlı Paul Oravitz və 51 yaşlı həyat yoldaşı Heather Oravitzin evində isti su çəni ilə bağlı bəzi problemlərin olduğunu açıqlayıb.
Bədənində ağır yanıqlar alan Paul Oravitsin partlayışdan 4 gün sonra xəstəxanada öldüyü bildirilib. Beləliklə ölü sayının 6-ya yüksəldiyi qeyd olunub.
Partlayış nəticəsində 3 evin dağıldığı, 5 nəfərin həyatını itirdiyi açıqlanmışdı.
