Almaniyada 18 yaşlı gənc 1 il ərzində könüllü formada 4200-dən çox qanun pozuntusunu aşkar edərək polisə məlumat verib.
Ulusal.az xəbər verir ki, bu barədə “Bild” qəzeti məlumat yayıb.
Almaniyanın Saksoniya-Anhalt əyalətindəki Qrafenhainixen şəhərində yaşayan gənc velosipedlə şəhəri gəzərkən qarşısına çıxan qanun pozuntularını sənədləşdirib hüquq-mühafizə orqanlarına göndərib. O, əsasən dayanma-durma qaydalarını pozan sürücülər barədə polisə məlumat verir.
Məlumata görə, onun verdiyi məlumatlar nəticəsində yazılan cərimələr əsasında büdcəyə 140 min avro pul köçürülüb.
O, yerli mətbuata açıqlamasında fəaliyyətini dayandırmayacağını bildirib.Modern.az
