“Baş nazir Nikol Paşinyanın feysbukdakı paylaşımları getdikcə sözün əsl mənasında cəfəngiyyata çevrilir”.
Ulusal.az xəbər verir ki, bu barədə Ermənistan Milli Konqresinin rəhbərinin (Levon Ter-Petrosyan – red.) müavini Levon Zurabyan öz feysbuk səhifəsində yazıb.
“Onu hətta “şüur axını” da adlandırmaq olmaz, əksinə, “şüurun ishalı”dır. Nikol Paşinyan özü, podkast partnyoru və bütün hökumətyönlü təbliğat bu gün bizi (erməniləri – red.) Azərbaycanın təhdidlərinin əsassız olduğuna inandırmağa çalışır. Bu arada daha realist olan şanlı hökumətimiz Azərbaycanla sülh və barışıq qurmaqda inamla davam edir. Belə bir qeyri-adekvat və lazımi idarəetmə imkanlarına malik olmayan adamı uzaqlaşdırmaq üçün hüquqi mexanizmlər olmalıdır, – deyə Zurabyan qeyd edib.
