Ukrayna Qəhrəmanı adına layiq görülən şəxslər dövlət tərəfindən pulsuz mənzil alacaqlar. Həmçinin, ölümündən sonra fəxri adın verilməsi halında onların ailələri mənzillə təmin olunacaqlar.
Müvafiq sərəncamı Ukrayna prezidenti Vladimir Zelenski imzalayıb.
Fərmanla Ukrayna Qəhrəmanı adının nizamnaməsinə dəyişikliklər edilib. “Qızıl Ulduz” ordeni ilə “Ukrayna Qəhrəmanı” adına layiq görülmüş şəxslərə daimi yaşamaq üçün yaşayış sahəsi şəklində birdəfəlik ünvanlı yardım verilə bilər.
Əgər fəxri ad ölümündən sonra verilərsə, ölən Ukrayna Qəhrəmanlarının ailə üzvlərinə daimi yaşayış üçün mənzil şəklində birdəfəlik ünvanlı yardım verilə bilər.
