“Veteran YAP-çıların adı yenidən Yeni Azərbaycan Partiyasının deputatlığa namizədlərinin siyahısına daxil edilib”.
Ulusal.az bildirir ki, bu barədə YAP İdarə Heyətinin üzvü Musa Quliyev İdarə Heyətinin iclasından sonra jurnalistlərə açıqlamasında deyib.
Musa Quliyev siyahıda gənc xanımların da olduğunu deyib. O bildirib ki, adlar bu gün açıqlanacaq:
“Siyahı bu gün dərc olunacaq. Hamısı uğurlu namizəddir. Partiyamızın sədrinə hamımız minnətdarlığımızı bildirdik, etimadı doğruldacağımıza söz verdik. Çalışacağıq ki, növbəti 5 ildə də ölkəmizi, qanunverici hakimiyyətimizi daha da inkişaf etdirək, xalqımızın etimadını doğruldaq”.
