“Xırdalan”, “Tuborg”, “Kuler” və “Baltika 9” pivələrinin istehsalçısı “Carlsberg Azerbaijan” Məhdud Məsuliyyətli Cəmiyyətinə cərimə protokolu yazılıb.
Ulusal.az-ın xəbərinə görə, şirkət barəsində Dövlət Gömrük Komitəsi tərəfindən İnzibati Xətalar Məcəlləsinin 485.2-ci (Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir) maddəsi ilə protokol tərtib edilib.
İş Abşeron Rayon Məhkəməsinin hakimi Cəmilə Səfiyevanın sədrliyi ilə araşdırılacaq.
