Bakıda 330 min manatlıq saat oğurlanıb.
Ulusal.az xəbərinə görə, hadisə 9 oktyabr saat 17 radələrində Yasamal rayonunda yerləşən “VMF Continental” mağazasında baş verib.
Belə ki, müştəri qismində mağazaya gələn şəxs 330 min manat dəyərində olan 1 ədəd “Breguet” markalı qol saatını gizli yolla oğurlayıb.
Aparılan istintaq zamanı Çin Respublikası vətəndaşı 1977-ci il təvəllüdlü Zhang Guomin şübhəli şəxs qismində saxlanılıb.
Hazırda iş üzrə istintaq davam etdirilir.
Qeyd edək ki, VMF şirkəti tanınmış jurnalist, keçmiş ANS-in rəhbəri Vahid Mustafayevə məxsusdur. Şirkətin adının abreviaturası da məhz onun adı, soyadı və ata adının açılışıdır.
