Uşaqların internetdə pornoqrafik məzmuna məruz qalmasının qarşısını almaq üçün görülən tədbirlər sürətlə dəyişən texnologiya dünyasında dayanmadan davam etməlidir. Ulusal.az xəbər verir ki, bu fikirlər Böyük Britaniyanın Təhsil naziri Peter Kyle və Uşaqlar üzrə Komissarı Rachel De Souza tərəfindən səsləndirilib.
Araşdırmalara görə, uşaqların yarıdan çoxu internetdə təsadüfən pornoqrafiyaya rast gəlib və bu məzmunlar arasında zorakılıq, boğma və cinsi istismar səhnələri də olub.
Böyük Britaniyada yeni qüvvəyə minmiş Onlayn Təhlükəsizlik Aktı bu istiqamətdə atılmış ən mühüm addım kimi qiymətləndirilir. Qanuna əsasən, artıq platformalar uşaqlardan yaşlarını sübut edən məlumat tələb etməli, pornoqrafik və zərərli məzmunu onlardan uzaq tutmalıdır. İstifadəçilər isə bu cür məzmunları izləmədən belə şikayət edə biləcəklər.
