Türkiyə Cümhuriyyət Xalq Partiyasının (CHP) sədri Özgür Özellə bağlı araşdırma aparılır, Türkiyənin ədliyyə naziri Yılmaz Tunc sosial şəbəkədəki səhifəsində məlumat verib.
O qeyd edib ki, Ankara prokurorluğu partiya sədrinin prezident Rəcəb Tayyib Ərdoğana qarşı təhqiramiz ifadələri ilə bağlı araşdırmalara başlayıb.
Nazir yazıb: “CHP sədrinin sayğısız ifadələri 86 milyonluq vətəndaşımızın iradəsinə açıq hörmətsizlikdir. CHP sədrinin qəbuledilməz danışıq tərzi siyasi etikadan kənara çıxır. Xalqımız bundan sonra da hər cür böhtan cəhdinin qarşısını alacaq”.
