Türkiyənin Bolu vilayətində Kartalkaya dağ-xizək kurortunda oteldə baş verən yanğında ölənlər arasında eyni ailədən olan 14 nəfər də var.
Ulusal.az xəbər verir ki, bu barədə CNN Türk məlumat yayıb.
Yanğın zamanı Türk Hava Yollarının əməkdaşı Zehra Səna Gültəkin və onun ailə üzvləri – əri, 3 uşağı və 9 qohumu həlak olub.
Qeyd edildiyi kimi, ailə məktəb tətili vaxtı istirahətə gəlib. Qeyd edilir ki, yanğın zamanı anasına zəng edən Gültəkin bağışlanmasını xahiş edib.
Yanğın zamanı qurbanlarının sayının 76 olduğu bildirilir.
Türkiyə hakimiyyəti yanvarın 22-ni faciə qurbanlarının xatirəsinə matəm günü elan edib.
İlkin məlumata görə, yanğın 12 mərtəbəli binanın 4-cü mərtəbəsində baş verib.
