Türkiyənin turizm gəliri 2024-cü ilin ilk rübündə 2023-cü ilin eyni dövrü ilə müqayisədə 5,4 faiz artaraq 8 milyard 784 milyon 800 min dollara çatıb.
Ulusal.az xəbər verir ki, bu barədə Türkiyə Statistika Təşkilatı açıqlama yayıb. Təşkilat 2024-cü ilin birinci rübü üzrə turizm statistikasını açıqlayıb.
Yanvar, fevral və mart aylarından ibarət olan birinci rübdə turizm gəlirləri ötən ilin eyni rübünə görə 5,4 faiz artaraq 8 milyard 784 milyon 800 min dollar olub.
Turizm gəlirlərinin 21 faizi xaricdə yaşayan Türkiyə vətəndaşlardan əldə edilib.
