Ulusal.az xəbər verir ki, ABŞ Prezidenti D.Tramp bu gün səhər saatlarından sosial şəbəkədə Rusiya Təhlükəsizlik Şurasının sədr müavini, Rusiyanın keçmiş Prezidenti Dmitri Medvedevlə mübahisə edir. Rusiya Təhlükəsizlik Şurasının sədr müavini bu yaxınlarda Rusiya Federasiyasına qarşı ikinci dərəcəli sanksiyalar tətbiq ediləcəyi təqdirdə ABŞ-ı müharibə ilə hədələyib və həmçinin bəyan edib ki, Rusiyanın Ukrayna ilə necə danışıqlar aparacağına qərar vermək Trampın səlahiyyətində deyil.
“Rusiyanın uğursuz keçmiş prezidenti, hələ də özünü prezident hesab edən Medvedevə deyin ki, onun sözlərinə fikir versin. O, çox təhlükəli əraziyə daxil olur!” Tramp sosial şəbəkəsində yazıb.
ABŞ Prezidenti əvvəllər də Medvedevlə “atışmışdı”. Məsələn, Tramp Rusiya Təhlükəsizlik Şurasının sədr müavininin İranın müttəfiqlərindən nüvə silahı ala biləcəyinə dair eyhamlarını tənqid edib.
ABŞ Prezidenti dünən Hindistana qarşı tətbiq edilən rüsumlara da münasibət bildirib, onları Rusiya ilə əlaqələndirib.
“Hindistanın Rusiyaya nə etməsi məni maraqlandırmır. İstəsələr, ölmüş iqtisadiyyatlarını birlikdə dibə sürükləsinlər. “Biz artıq Hindistanla demək olar ki, heç bir iş görmürük – onların tarifləri çox yüksəkdir, dünyanın ən yüksək tarifləridir. Eynilə, Rusiya və ABŞ bir-biri ilə demək olar ki, heç bir iş görmür. Gəlin, bu işi buraxaq”, – Tramp yazıb.
