Vaşinqtondan olan jurnalist Aleks Raufoglu ABŞ hökumətindəki mənbələrə istinadən Ağ Evdə imzalanması planlaşdırılan sənədlərin siyahısını açıqlayıb.
Ulusal.az xəbər verir ki, aşağıdakı sənədlərin imzalanması gözlənilir:
Birgə Bəyanat imzalanacaq;
Sülh sazişi parapflanacaq;
ATƏT-in Minsk Qrupundan çıxışla bağlı birgə məktub imzalanacaq;
Ermənistan-ABŞ və ABŞ-Azərbaycan arasında ikitərəfli memorandumlar qəbul olunacaq.
A.Raufoglunun sözlərinə görə, artıq gündəmdə “dəhliz” anlayışı yoxdur. İndi diqqət mərkəzində “Trampın beynəlxalq sülh və rifah üçün marşrutu” (TRIPP) adlı yeni tranzit və inkişaf planı dayanır.
Bu layihə Azərbaycanın əsas ərazisindən Naxçıvana maneəsiz kommersiya çıxışını təmin edəcək. TRIPP planı bütövlükdə “Orta Dəhliz”in transformasiyası üçün imkan kimi təqdim olunur.
