ABŞ prezidenti Donald Tramp Gömrük və Sərhəd Mühafizəsi qüvvələrinin yerləşdirilməsinə göstəriş verərək Çikaqoda asayişi bərpa etmək niyyətində olduğunu açıqlayıb.
Ulusal.az xəbər verir ki, bu barədə ABC 7 məlumat yayıb.
Milli Qvardiyanın gəlişi də mümkündür. Mediada yayılan məlumatlara görə, artıq bir neçə nəfər saxlanılıb.
“Federal immiqrasiya agentləri bazar günü günortadan sonra Çikaqonun mərkəzinə hücum edərək çoxlu insanı saxlayıblar”, – deyə kanal bildirib.
İllinoys ştatının qubernatoru Cey Pritzker təhlükəsizlik qüvvələrinin kütləvi basqını fonunda çıxış edib. O, gələn zabitlərin silahlı olduğunu qeyd edib və onları ictimaiyyəti qorxutmaqda ittiham edib.
Təxminən bir ay əvvəl Tramp Çikaqoda cinayətə qarşı mübarizə aparmaq üçün Milli Qvardiyanı yerləşdirəcəyini açıqlamışdı. Qeyd edək ki, Amerika lideri şəhəri dünyanın ən təhlükəli yeri adlandırıb.Publika.az
