Əfqanıstanın şimalında terrorçu qrupların fəallaşması ilə əlaqədar MDB ölkələrinin cənub sərhədlərində təhlükə artır.
Ulusal.az xəbər verir ki, bunu Qırğızıstan Milli Təhlükəsizlik Dövlət Komitəsinin sədri Kamçıbek Taşiyev deyib.
“Əfqanıstanın şimal əyalətində davam edən proses və MDB dövlətlərinin cənub sərhədlərinin bütövlüyünü təhdid edən miqyasda terrorçuların cəmləşməsi prosesi bizim kəşfiyyat xidmətlərimizdən xüsusi diqqət tələb edir”, – Taşiyev Bişkekdə MDB ölkələrinin Təhlükəsizlik Orqanları və Kəşfiyyat Xidmətləri Rəhbərləri Şurasının iclasında deyib.
O, həmçinin qeyd edib ki, Moskva yaxınlığındakı “Krokus Siti Holl”da baş vermiş faciə terrorizmin dövrümüzün ən aktual problemi və bütün beynəlxalq təhlükəsizlik sisteminə təhlükə olaraq qaldığını göstərdi. Taşiyev qeyd edib ki, beynəlxalq terror təşkilatları və onların himayədarları dünyanın bir sıra regionlarında ictimai-siyasi vəziyyətin gərginliyindən öz strateji problemlərini həll etmək üçün istifadə etməyə çalışırlar.
