“Cığır” MDİD İB-nin QHT-lərə Dövlət Dəstəyi Agentliyi tərəfindən keçirilən qrant müsabiqəsində qalib olduğu “Sosial sahibkarlıq təşəbbüsləri” layihəsi uğurla başa çatmışdır.
Layihə müddətində Birliyin qeydiyyatında olan analarla “İcma yaranması” mövzusunda ümumilikdə 150-dən çox həssas qrup nümayəndəsi olan dul qadınlarla 12 təlim, qadınların öz daxili dünyalarını kəşf edərək, dəyərlərini anlayıb sosiallaşmalarına müsbət təsir göstərən 8 qrup terapiyası keçirilmişdir.
Layihə çərçivəsində könüllülərlə isə ümumilikdə beş təlim baş tutmuşdur. Bu görüşlərdə iştirakçılara sosial sahibkarlıq haqqında geniş məlumat verilmiş, onlarla könüllü olduqları sosial sahibkarlıq layihələri ilə bağlı workshoplar edilmişdir.
13 sayda sosial sahibkarlıq layihələrinə, bununla yanaşı təlim və terapiyada iştirak etmiş həssas qrupdan olan qadınların məşğulluğuna dəstək olmaq, həmçinin cəmiyyətə sosial sahibkarlığı təbliğ etmək məqsədilə Bakının müxtəlif ərazilərinin yaşayış məhəllərində “Sosial bazar” keçirilmişdir.
Layihəyə göstərdiyi dəstəyə görə layihənin donoru olan QHT-lərə Dövlət Dəstəyi Agentliyinə, iştirakçılara və layihə könüllülərinə, eləcə də bu müddət ərzində dəstək göstərən hər kəsə təşəkkür edirik.
