Ukrayna sülh danışıqlarına razı olmadı. Ulusal.az xəbər verir ki, bunu Breitbart News portalına müsahibəsində ABŞ dövlət katibi Marko Rubio deyib.
“Biz bu oğlanları danışıqlar masasına oturtmağa çalışırıq. Təəssüf ki, Ukrayna razılaşmadı və onlar öz yolları ilə irəliləmək istədilər”, – o deyib.
Rubio onu da bildirib ki, Ukrayna münaqişəsi həll olunarsa, ABŞ Rusiya Federasiyası ilə təkcə dondurulmuş Rusiya aktivləri ilə bağlı məsələni deyil, həm də təsirə məruz qalan Amerika şirkətlərini də müzakirə etmək istərdi. “Bu, münasibətlərimizi necə bərpa edə biləcəyimizə dair daha geniş müzakirənin bir hissəsi olacaq”- deyə ABŞ dövlət katibi bildirib.
