Türkiyə Milli Kəşfiyyat İdarəsinin (MİT) sabiq əməkdaşı, kəşfiyyat mütəxəssisi, akademik Əli Burak Darıcılı İran kəşfiyyatı ilə bağlı müsahibəsindən sonra ağır təhdidlərə məruz qaldığını bildirib.
Ulusal.az Globalinfo.az-a istinadən xəbər verir ki, mütəxəssis bir neçə gün öncə İran kəşfiyyatının potensialını, Azərbaycandakı fəaliyyətini dəyərləndirib və uğursuz olduğunu deyib, həmçinin MOSSAD-ın İran daxilindəki gücündən söz açıb.
Ə.B.Darıcılı bundan sonra sosial şəbəkələr və e-mail hesabları vasitəsilə ağır təhdid və təhqirlərə məruz qaldığını açıqlayıb. Mütəxəssis, hətta birinin SEPAH-ın uniformasının fotosunu göndərdiyini söyləyərək onu təhdid edənləri axmaq adlandırıb və əsla qorxmadığını bildirib.
Qeyd edək ki, Ə.B.Darıcılı 15 il müddətində Türkiyə Milli Kəşfiyyat İdarəsində (MİT) çalışıb.
