“Prezident İlham Əliyevi ECO-nin 17-ci Zirvə görüşünə uğurla ev sahibliyi etdiyi üçün təbrik edirəm”.
Ulusal.az xəbər verir ki, bunu Pakistanın Baş naziri Məhəmməd Şahbaz Şərif İqtisadi Əməkdaşlıq Təşkilatının (ECO) 17-ci Zirvə görüşündəki çıxışında deyib.
Baş nazir deyib:
“Hazırkı qlobal hadisələr fonunda qarşılıqlı əlaqələr zəifləyir, iqtisadi çətinliklər yaranır. İqtisadi Əməkdaşlıq Təşkilatı ümid məkanıdır. Pakistan qardaş üzv dövlətlərlə tərəfdaşlıqdan fərəhlənir. ECO-nun yeni baxışı olduqca vacibdir. Təşkilatın üzv ölkələri iqlim dəyişikliklərinin təsirinə məruz qalıblar. İqlim dəyişikiklərinə ən çox məruz qalan 10 ölkədən biriyik. 2024-cü ildə Pakistanda fəlakət həcmli itkilər üzə çıxdı. Ölkəmiz iqlim dəyişikləri yönündə səyləri artırmağı təklif edir və dəstəkləyir. Biz aşağı emissiyalı dəhlizlərin yaradılmasını təklif edirik. Bundan başqa, üzv ölkələrin karbon mərkəzləri də yaradılmalıdır”.
