Tramp bir-neçə gün yoxa çıxandan sonra, bu gün peyda olub, jurnalistlər qarşısına çıxıb bir neçə suala, bir neçə cavab verib. Əsas diqqəti çəkən isə bu olub:
“İki kiçik uşaq tutaşanda gərək onlara mane olmayasan, qoy yorulana kimi vuruşub özləri sakitləşsinlər. Rusiya və Ukrayna da vuruşub, atışıb bir müddət keçsin, sonra sakitləşərlər”.
Çoxları, hətta bir sıra siyasilər, ekspertlər filan, Trampı tənqid atəşinə tutublar bu tərz sözlərə görə. Bir qism, deyir bu kişi qocalıb ağlı azalıb, gündə bir şey danışır, heç, danışığını da bilmir. Digər qisim isə, deyir ki, bu adam satqın çıxdı, Ukraynanı Rusiya ilə müharibədə tək buraxdı.
Ancaq, səthi yox, dərin, analizli düşünəndə məsələ tamamilə fərqli, ciddi və Ukraynanın xeyrinədir. Tramp bu sözlərlə manevr edir və özünü neytral göstərir, Putini üzdə razı salıb.
Arxada isə bilir ki, bu saat onsuz da danışıq, razılaşma alınmır və qarşı-qarşıya savaşda artıq, Ukrayna ordusu Rusuyanı üstələməyə doğru gedir. Nədən bilir ki, Tramp? Ondan ki, artıq bu müddətdə Ukraynanı Avropa ilə ABŞ çox silahlandırıb və hələ silahlandırır. Hətta, külli miqdarda uzaqvuran ballistik raketlərlə, müasir təyyarələrlə, kəşfiyyat imkanları ilə…
Belə şey olmuşdumu, neçə gündür Ukrayna Rusiyanın içərilərini bu qədər sərt atəşə tutub, neft zavod və anbarlarını şiddətli dağıtsın? Statistika hesablayıb, Rusiyanın son 20 gün ümumi neft emalının 30%-ni sıradan çıxarıb. Neçə gündür artıq, Ukrayna qoşunu Rusiya bölmələrinə hücuma keçib, mühasirəyə alır. Bunlar hamısı nəyin hesabınadır? Dəstəyin!
Əlqərəz. Tramp yuxarıdakı sözlərlə əslində arxada bunu demək istəyir: “Putin, sən ki, bu qədər sülh təkliflərini, danışıqlarını uzatdın, oynatdın, atəşkəs istəmədin, hey Ukrayna ilə savaş istədin. İndi, get vuruş, amma, Ukrayna həminki Ukrayna olmayacaq! Səninki, güclü Ukrayna zərbələri görüb sakitləşməkdir”. Bəli, məsələ belədir: ilan ulduzu görməsə, ölməz!
Nəticəni deyim. Ukraynanı İsrail səviyyəsində ən müasir müdafiə və əsasən hücum silahları, kəşfiyyat imkanları hesabına gücləndirəcəklər. Ukrayna hücumunda isə, Rusiya aciz qalacaq.
Niyə? Çünki, Rusiya onilliklərlə, demək olar ki, bütün hərbi gücünü hücuma, zərbə raketlərinə verib. Müdafiə silahlarına elə də fikir ayırmayıb. Çünki, arxayın olub ki, ona heç vaxt və heç kim hücum etməz, nüvə silahı var, qorxarlar etməyə. Odur ki, müdafiə silahları, qurğuları çox zəifdir.
Bu, 44 gün Qarabağ müharibəsində, Türkiyə və İsrailin Harop, Bayraktarı qarşısında Rusiyanın bütün C300 və sair müdafiə qurğularının məhv olub, ermənilərin aciz qalması ilə sübut olundu. Elə, yaxında Ukrayna dronları Rusiya daxilinə müqavimətsiz keçib, neçə təyyarəni məhv etdi.
Bu həm də İranın 12 gün müharibədə istifadə etdiyi Rusiya havadan müdafiə qurğularının ən pis və tez formada sıradan çıxması və İranın İsrail hücumları qarşısında acizliyi ilə göründü. Xamenei Putinə məktub yazıb, bərk incidi: bu nə biyabırçı silahlar idi, verdiyin, məhv olduq?!
Rusiyanın, Moskvanın müdafiə sistemi də bu gündədir, Qarabağdakı, İrandakının tam eynisi. Tramp heç 3 gün deyil, Ukraynaya 3500 ədəd! uzaqvuran ən müasir ERAM raketlər ayırdı, 850 mln. dolarlıq. Putinə isə özünü neytral göstərir.
İlqar Altay
