“Real”ın müdafiəçisi Antonio Rüdiger İspaniya kubokunun yarımfinal mərhələsinin “Real Sosyedad”la cavab oyunda (4:4) haqda fikirlərini bölüşüb.
Ulusal.az xəbər verir ki, o, türkiyəli yarımmüdafiəçi Arda Gülərin sayəsində Madrid komandasının finala yüksəldiyini deyib:
“Gülərin ötürməsi əla, çox yaxşı və mənim üçün rahat idi. Onun əziyyətini əla formada başa vurdum və bunun sayəsində finala yüksəldik”.
Qeyd edək ki, matçın əsas vaxtı Baskoniya klubunun 4:3 hesablı qələbəsi başa çatıb. Madriddə keçirilən ilk qarşılaşmada “qalaktikos” 1:0 hesabı ilə qalib gəldiyindən əlavə vaxta ehtiyac duyulub. Nəticədə Rüdigerin 115-ci dəqiqədə vurduğu qol sayəsində “Real” ümumi hesabda (5:4) önə keçərək finala vəsiqə qazanıb.
Karlo Ançelottinin komandası həlledici matçda “Atletiko” – “Barselona” matçının (ilk oyun – 4:4) qalibi ilə oynayacaq. Sözügedən görüş bu gün baş tutacaq.
