UEFA Çempionlar Liqasının əsas mərhələsinə vəsiqə qazanan “Qarabağ” yayın ən səs-küylü transferini reallaşdırmağa hazırlaşır.
Ulusal.az xəbər verir ki, Ağdam klubu uzun müddətdir axtardığı hücumçunu Fransada tapıb. “Köhlən atlar” “Loryan”ın futbolçusu Sambu Sumano transferini tamamlamaq üzrədir. Bu barədə italiyalı insayder Rudi Qaletti məlumat yayıb.
Sumano ilə İngiltərənin “Blekbörn” və Polşanın “Vidzev” klubu da maraqlanırdı. Lakin “Qarabağ”ın məvacib təklifi bu iki klubdan da yüksək olub.
“Köhlən atlar” 24 yaşlı hücumçu üçün Fransa təmsilçisinə 2.5 milyon avro və əlavə olaraq 500 min avro bonus ödəyəcək.
