“Qanuni oğru” Zaxariy Kalaşov (Şakro Molodoy) üç dəfə məhkum olunmuş Marsel Həsənovu (Marsel Mahaçkalinski) Sverdlovsk vilayətinə “nəzarətçi” təyin etdikdən sonra barəsində yeni cinayət işinin başlanması təhlükəsi ilə üzləşib.
Bu barədə “Shot” “Telegram” kanalı məlumat yayıb.
Rusiya kriminal dünyasının lideri “Şakro Molodoy” kriminal iyerarxiyada yüksək vəzifə tutmaqda ittiham olunur. Saxlanılan “Marsel Mahaçkalinski”yə də artıq oxşar ittiham irəli sürülüb. Onun evində axtarış aparılıb. O, soyğunçuluq, qanunsuz silah saxlama və sərxoş vəziyyətdə avtomobil idarə etməkdə təqsirli bilinir.
Qeyd edək ki, “qanuni oğru”ların Kalaşovun iştirakı ilə görüşü 2024-cü ilin sentyabrında baş tutub.
