“Ukrayna tankları Qırmızı Meydanda olanda müharibə bitəcək.” Ulusal.az xəbər verir ki,
bunu Ukrayna Milli Təhlükəsizlik və Müdafiə Şurasının (MTŞ) katibi Aleksey Danilov “The Sun”a müsahibəsində deyib.
O, həmçinin qeyd edib ki, “Rusiya Federasiyası özünü məhv etməkdədir və Putin Rusiyanı məhv edən adam kimi tarixdə qalacaq”.
“Yaxın 12 ay ərzində Rusiya parçalanacaq. Bu qaçılmazdır”, – deyə o bildirib.
Bundan əlavə, Milli Təhlükəsizlik və Müdafiə Şurasının rəhbəri hesab edir ki,
“Putin Hitlerin əkizidir və o da eyni şəkildə öləcək”.
Eyni zamanda, Danilov əmindir ki, “Kreml Rusiya Federasiyası üçün qələbə illüziyası yaratmaq üçün Ukraynanı Şimali və Cənubi Koreya kimi bölməyi planlaşdırır”.
