“DEHB əsasən oğlanlarda olur. Sindrom təlaş, impulsivlik, narahatçılıqda özünü göstərir. Bu pozğunluqla mübarizə aparılmazsa və uşaq düzgün tərbiyə olunmazsa, yetkinlik dövründə onda aqressiya, evdən çıxmaq istəyi, özünə və başqalarına qarşı mənfi münasibət yarana bilər”
Ulusal.az xəbər verir ki, bunu psixiatr Aleksandr Abramov deyib.
Onun sözlərinə görə, yetkinlərdə DEHB diaqnozunun qoyulmasının çətinliyi ilkin mənzərə ilə üst-üstə düşən bir çox amillərdən qaynaqlanır.
Mütəxəssis xəbərdarlıq edib ki, DEHB olan xəstələr başqalarına nisbətən daha çox spirt və narkotik istifadə edirlər.
Psixiatrlar həmçinin qeyd ediblər ki, DEHB autizm pozğunluğu və sinir tikləri ilə müşayiət oluna bilər. Həm də olur ki, sindromlu xəstələrdə anoreksiya nervoza, bipolyar pozğunluq və klinik depressiya inkişaf edir.
