“Vaqner” PMC-nin təsisçisi Yevgeni Priqojinin illik dövriyyəsi yüz milyardlarla rubl olan “nəhəng biznes imperiyası” qalıb.
Ulusal.az xəbər verir ki, bu barədə “We Can Explain” nəşri məlumat yayıb.
Müstəntiqlər onun səkkiz ən gəlirli şirkətini tapıblar: “Lakhta Plaza”, “Lakhta Park”, “Megaline”, “Main Line”, “Pishchevik”, “Food Plant”, RİA FAN və “Nevsky News”. Təkcə bu şirkətlərin 2022-ci ilin sonunda mənfəəti 2 milyard rubla yaxın olub.
Priqojinin oğlu Pavelin nəzarətində olan “Lakhta Plaza”da avqustun 18-də bölünmə şəklində yenidən təşkilatlanma başlayıb. Bu şirkət Sankt-Peterburqda biznes mərkəzləri, otellər və yaşayış binaları tikir, həmçinin eyniadlı yaşayış kompleksində dəbdəbəli mənzillərin satışı ilə məşğul olur. Müstəntiqlərin fikrincə, bu cür yenidənqurma şirkətə vergi öhdəliklərinin varisliyindən yayınmağa imkan verəcək.
İddialara görə, Priqojinin həyat yoldaşı Lyubovun əlində iki şirkət qalıb. Onlardan biri nəhəng ticarət mərkəzi, digəri isə “Aqat” tikinti şirkətidir.
Müstəntiqlər vurğulayırlar ki, Priqojinlə əlaqəli şirkətlər üsyan vaxtı ordunu ərzaqla təmin etməyə davam ediblər. Nəşr 20-dən çox belə şirkət sayıb: “Perspektiva”, “Pishchevik”, ASP və s. “We Can Explain”in məlumatına görə, şirkətlərin 2022-ci il üçün ümumi gəliri 60 milyard rublu ötür və Müdafiə Nazirliyi onların bəziləri ilə 2025-ci ilə qədər müqavilələr bağlayıb.
Qəzet yazır ki, Priqojinin imperiyasında həm birbaşa onunla bağlı olan, həm də nominal dəyəri ilə qeydiyyatdan keçmiş onlarla firma var idi.
Priqojinə məxsus olan təyyarə “Vaqner PMC” şirkətinin qurucusunun qiyamından düz iki ay sonra, avqustun 23-də axşam qəzaya uğrayıb. “Embraer-135” biznes təyyarəsi Moskvadan Sankt-Peterburqa uçurdu. Təyyarədə üç ekipaj üzvü olmaqla 10 nəfər olub. Onların hamısı ölüb. Avqustun 27-də İstintaq Komitəsi Priqojinin ölümünü təsdiqləyib və iki gün sonra o, Sankt-Peterburqdakı Poroxov qəbiristanlığında, atasının yanında dəfn edilib.publika
