Həştərxanda vilayət Daxili İşlər Nazirliyinin Narkotiklərlə Mübarizə İdarəsinin şöbələrindən birinin keçmiş rəisi Elmar Mustafayev saxlanılıb.
Lent.az-ın xarici mediaya istinadən məlumatına görə, polis məmuru bu yaxınlara qədər açıq satışı qadağan edilmiş güclü təsirli maddə olan preqabalini satan dilerlər dəstəsini qoruyub.
Digər məlumata görə, 560 qram maddəni satarkən yaxalanan 5 nəfərdən ibarət dəstə avqust ayından bəri istintaq altındadır. Məlum olub ki, alverçilərin altıncı “yoldaşı” var – Mustafayevin özü, həbs olunanlara uzun müddət narkotik paylamaqda və azadlıqda qalmaqda köməklik edib.
Üstəlik, 39 yaşlı polkovnik-leytenant xüsusi olaraq mütəşəkkil cinayətkar qruplaşmalar və onların narkotik vasitələrdən əldə etdiyi gəlirlərin leqallaşdırılmasına qarşı mübarizə üzrə ixtisaslaşmış idarəyə rəhbərlik edib. Mustafayev noyabrın 27-də iş stajına görə vəzifəsindən azad edilib, ümumilikdə 19 il hakimiyyət orqanlarında işləyib. Həştərxan idarəsində artıq yoxlama aparır.
Faktla bağlı “Mütəşəkkil dəstə tərəfindən külli miqdarda güclü təsir göstərən maddələrin satış məqsədi ilə qanunsuz dövriyyəsi” maddəsi ilə cinayət işi başlanıb. Buna əsasən, keçmiş narkopolis əməkdaşını 8 ilə qədər həbs cəzası gözləyir.
